جمال الشعر

سر جمال الشعر
بسم الله الرحمن الرحيم

مرحبا صبايا

كل وحده تحلم بشعر حيوي لامع ناعم

تلاقينا كل يوم بخلطه وزيت وكريم

كل يوم بمنتدى ندور على حلول

وانا وحده منكم ماخليت شئ ماجربته

لاحظت قبل فترة شعر بنت خالتي بالثانوي

كل مااشوفها يزداد حلاوة ماشاء الله

على صغر عمرها بسم الله عليها الا انها تهتم وتحافظ على جمالها

سألتها وش السر ؟؟

قالت حناء وعددت اشياء كثيرة تخلطها معاه

وقالتلي تصدقين حتى صديقاتي سالوني وبدأوا يستخدمون

عاد انا كسوله ومااحب الدش قلت اوكي

رحت ماخذه اشياء بسيطه وخلطتها وجربت

مرة بالاسبوع الاول

ومرة بالاسبوع اللي بعده

ومرة بالاسبوع اللي بعده

كان هذا ثالث استخدام

داومت بالكليه والله الكل يسأل وش مسويه بشعرك

وحده تقول وش نوع صبغتك معطيه لمعه حلوه

وامي سالتني وش حطيتي البارح على شعرك

طالع اليوم يجنن

وصارت تستخدمها معاي

عشان كذا قلت راح اكتب لكم الخلطه وطريقتي باستخدامها

لاني استخدمت معاها شامبو كنت استخدمه من قبل سمعت عنه يطول الشعر

وبالفعل والله بعد فترة كثير يسألوني عن طول شعري + جماله

والخلطه بسيطه هي

حناء

بيضه

زيت زيتون

ليمون

بعد كذا نخلطها زين بوعاء

بحيث تكون سايله

اثقل من عجينه الكيك واخف بكثير من عجائن المعجنات

وتحطينها على شعرك وتخلينها فترة لا تقل عن ثلاث ساعات

بعد كذا نجي لطريقة غسله

تنظفين الشعر زين من الحناء

بعدها تغسلينه مرة وحده بشامبو ميتال الاندونيسي

لاحظوا لونه احمر لان فيه اخضر ماادري والله اذا في فرق او لا

بس انا استخدم الاحمر

هذا الشامبو لما جبته وشافته شغالتنا

قامت تصارخ وتقول هذا موجود عندكم بالسعوديه

هذا حلو مرة شعر انتي بعدين طويل مرة

وشغاله خالتي لما شافتي بعد فترة من الاستخدام

قالت انتي تستخدمين شامبو ميتال شعر انتي مرة طويل

طبعا هالشامبو ماينظف زين

عشان كذا استخدم بعده شامبو جونسون للأطفال

اغسل فيه شعري والاحظ اذا كان الحناء نظف او اعيد مرة ثانيه

يقولون انو جابر القحطاني يقول انه افضل نوع انا ماسمعته بنفسي

وانا عن تجربه اقول انه افضل نوع

ويقولون انه لازم اي شامبو نستخدمه لازم نخففه

وهذي طريقه ماما وتمدح هالطريقه مره

انا مااخففه عن نفسي

وترى شعري دهني لازم يوم ورا يوم اغسله

اغسله عادي بشامبو جونسون

ولو كنت حاطه عليه زيت او كريم استخدم ميتال + جونسون

نصيحة لاتستخدمين ميتال وحده لانه

اولا : يجفف الشعر اذا ماحطيتي قبله زيت او كريم

ثانيا : ماينظف الشعر يعني مايكفي لوحده تغسلين فيه شعرك

لازم معاه شامبو ثاني ,,,

والخلطة حطيها مرة اسبوعيا

ومايضر لو اكثر بس انا احطها مرة بالاسبوع

وبس هذه تجربتي

واللي تبغى اكتب لها خلطة بنت خالتي تقول

لان خلطتها كمان هي مرة روووعه

ولا تستعجلون النتائج لان نوعية الشعر تختلف من بنت لبنت

اكيد راح تختلف النتايج وظهورها

أطيب المنى جمال الشعر Get-2-2008-dbttwedi

هاااااايل
تسلم ايديكى
geek

» ماكياج اقل.جمال اكثر
» علاج القشرة وتساقط الشعر
» علاج القشرة وتساقط الشعر
» تطويل الشعر بسرعة هايلة
» طريقة تطعيج الشعر لعيونكم